板長壽司 (沙田中心) (已結業)

都有一段時間冇食過板長壽司，早幾日去食先發現多咗唔少選擇。一嚟到就要叫每次必食嘅火炙三文魚甘口醬油漬壽司，呢款壽司已經食咗好多年，但依然覺得好食，食到三文魚嘅油香，上面嘅洋蔥碎更加令壽司嘅味道更有層次。原來而家仲有自選丼飯，但刺身味道就普通，帆立貝唔算好甜，魚肉唔算好爽口。反而最有驚喜係鰻魚炒飯，鰻魚份量都幾多，而且唔係細細粒嘅。啲飯都吸收咗鰻魚嘅油香，而且仲有啲飯焦。兩款飯定食都包咗麵豉湯同埋沙律，份量都唔算少。