Pub Solution

今日同五個老友食完飯搵間酒吧落腳飲酒，落到pacific見關左門，原來比衛生處封左14日
跟住見到門口有張傳單，原來係花園城果邊新開左一間酒吧，即刻急急腳過去
因為英超準備開波，去到門口已經有員工接待，有免費快測提供再入場
出面好多酒吧快測都要收錢，雖然唔係貴不過呢間舖頭好貼心

地方唔係太大，不過好寬敞，吧頭設計同埋成個場既燈光都好Match
我地坐中間位有部大電視可以睇波，非常合適我地今日既目的
去到中段叫左幾個小吃都唔錯，小龍蝦同埋炸雞翼十分推介

員工服務態度非常好，臨走仲請我食左支珍寶珠，價錢合理，下次會再黎