唔講唔知，原來食撈麵都好似沾麵咁有獨特食法🥢，先撈起生雞蛋同麵條，試試原味嘅肉燥同配料，🤤食1/3之後加黑胡椒碎提鮮，再食1/3再加昆布醋清新解膩。如果唔夠飽，🍚仲可以加白飯撈埋當肉燥飯咁食，好滿足！
1
🥘正宗全料東京撈麵 $109
呢個全料撈麵配料勁多，有慢燉叉燒、肉燥、鯖魚粉、溫泉蛋、紫菜、青蔥、韭菜、竹筍同蒜末。慢燉叉燒幾有口感，配埋有少少辣嘅肉燥同鯖魚粉，就算無湯一樣好滋味！
🍊柚子鹽味撈麵 $89
呢個風格完全唔同，柚子嘅清香同爽口嘅竹筍，非常清新，而雞胸好滑好腍，想個麵都好清新，超開胃！
🍨抹茶拿鐵雪糕 $52
抹茶拿鐵用伊勢抹茶同日本3.7牛乳製作，加埋北海道抹茶雪糕，甜度適中，帶少少回甘同濃濃嘅奶味，勁好飲！
🫘抹茶紅豆拿鐵 $42
同樣用伊勢抹茶同日本3.7牛乳製作，加埋甜甜嘅紅豆，宇治金時嘅配搭，永遠無得輸！
1
1
