大越越南餐廳

營業中

休息中

姐姐回鄉，繼續唔煮飯，醒起呢到6點前有下午茶，就去呢到食埋唔洗煮唔洗洗。今次下午茶試左大越生牛肉湯粉$40，我地簡左金邊粉，湯底同上次一樣好清甜，果然係招牌菜。另外簡左大越海南雞飯$48，睇相都見到油飯既顏色就知幾好味，海南雞亦好滑溜。另外，叫埋上次一試難忘既咖喱牛腩包$58，入面仲有牛筋，好淋，咖哩唔辣，麵包點咖喱汁好好味。小食我地加配左雞翼$18 好入味 炸蝦餅$28 炸春卷$12，超抵。另外仲叫左2杯特飲都只係加$8，簡左青檸梳打，咁熱飲好爽，另外簡左荔枝沙冰，好似思樂冰，甜甜地，小朋友好like。