我是酸奶君 (已結業)

沙田站ATM果邊近來竟然開左間飲品店，我都係路過㩒錢先見到，朋友話想試下，咁就買黎飲下～呢度似乎係出名啲乳酸類飲品，於是就專攻佢地。我叫左個墨紅玫瑰，因為鐘意玫瑰味。呢杯乳酷有淡淡既玫瑰味，都幾好，墨紅睇黎就係講緊佢用左類似紫米既野，有啲墨色咁，飲落有啲粒粒既口感，成杯野都幾夾，仲酸酸甜甜。之後仲叫左啵啵酸奶，聽個名應該唔會知係咩黎，其實應該係焦糖珍珠乳酪再有啲米，又有米應該因為呢度係主打啲有米既乳酪咁，都幾特別，第一次試，乳酪同焦糖味原來又幾夾，味道幾立體。雖然份量唔大，但有米粒既關係，其實飲完都會飽架。