影片
更多
2020-05-14
295 瀏覽
唔黎過都唔知原來錦田區都幾有驚喜！好耐都冇影過相啦，終於忍唔住要出動下。今次揀左位於錦田的Cohee，之前都有留意過呢間小店，見到環境唔錯，食物賣相都好好，但未有要黎影相的意慾。今次突然心血來潮搵埋朋友去打下卡。由於過份興奮同驚會出現人潮，店未開前已經到達，11點小店一開，已經有三四個客人，睇黎遲少少都坐唔到想坐的位置。小店以白色為主，有日系的感覺，舒適休閒。鋪位分開兩邊，一邊係負責咖啡同workshop，另一邊就係落單同食物。小店的員工都唔少，而且平日客量比想像中多一倍，遲黎唯有要等位。🙈食物種類唔算太多，係我最鍾意食的包，所以樣樣都好吸引！我同朋友叫左一個Mushroom, Scrambled egg & Parmesan cheese Ciabatta，一個Smoked Salmon, Avocado & Cottage Cheese Ciabatta，一杯flat white同一杯oat milk latte (因為冇skim milk)。食物賣相真係相當唔錯，影相一流，好吸引！(啡系調色)Oat milk latte上咖啡的時候，會附送埋幾粒果仁同一shot espresso
由於過份興奮同驚會出現人潮，店未開前已經到達，11點小店一開，已經有三四個客人，睇黎遲少少都坐唔到想坐的位置。小店以白色為主，有日系的感覺，舒適休閒。鋪位分開兩邊，一邊係負責咖啡同workshop，另一邊就係落單同食物。小店的員工都唔少，而且平日客量比想像中多一倍，遲黎唯有要等位。🙈
食物種類唔算太多，係我最鍾意食的包，所以樣樣都好吸引！我同朋友叫左一個Mushroom, Scrambled egg & Parmesan cheese Ciabatta，一個Smoked Salmon, Avocado & Cottage Cheese Ciabatta，一杯flat white同一杯oat milk latte (因為冇skim milk)。
食物賣相真係相當唔錯，影相一流，好吸引！(啡系調色)
Oat milk latte上咖啡的時候，會附送埋幾粒果仁同一shot espresso，意想不到啊！少有的精品咖啡店會有咖啡配餅乾/nuts之類，會配埋一shot espresso更加係第一次見！
職員上咖啡時，叮囑espresso要即刻飲，可見對於咖啡的質素好有要求。不過掛住影相的我地，唔得閒即飲，隔左幾分鐘先試，所以味道偏酸，mix埋oat milk中和返味道，岩岩好都幾好飲。👍🏽👍🏽
Mushroom, Scrambled egg & Parmesan cheese Ciabatta每份toast都會跟埋沙律，而且份量都唔少，好足料。落單時店員會問你沙律配咩醬料，我地就揀左黑醋。炒蛋都幾滑，蘑菇帶有鮮味，調味啱啱好，唔會太淡又唔會太濃，包的份量多到食唔哂。😂
Avocado & Cottage Cheese Ciabatta牛油果新鮮得黎成熟程度適中，三文魚都落得好足料，呢個份量連男仔食完都話好飽。😂
同朋友share黎食，將兩個夾埋一碟望落都幾豐富啊🙈總括依然，性價比好高下，環境唔錯，食物同咖啡有驚喜，價錢相當合理，好適合假期慢活一日！
張貼
