一浩 (已結業)

今日男朋友生日，我就帶咗佢嚟黃金海岸嘅高級日本餐廳，浪漫一下，嚟到呢度見到咁高級嘅日本菜真係令到我大開眼界，雖然今日係我埋單但係都覺得好值得，因為無論係餐廳嘅環境質素食物質素，同埋服務員既有禮貌態度，都令到我覺得自己置身於日本咁。呢度嘅空間感十分之大，燈光燦爛有足夠，環境寧靜，同我男朋友談談情就真係一流啦，唔講以為去咗港島區嘅高級餐廳，真係估唔到原來屯門都會有一間咁有格調嘅餐廳。開放式嘅廚房，可以睇住專業嘅廚師係你面前製作食物，令到你胃口大開呀⋯⋯頭盤我哋叫咗個炸豆腐，嫰滑嘅豆腐金黃酥脆，炸至金黃色，薄薄既一層麵粉，唔會好厚身，配上蘿蔔蓉，滑得黎又夠鮮甜，男朋友仲話啲豆腐滑過我啲皮膚啊，佢仲叫我食多兩舊添，真係俾佢激死😤😤😤芒果海鰻天婦羅卷，豐盛嘅卷物，一望到已經令我垂涎三尺，🤤🤤🤤鮮甜嘅芒果，上面擺放着粒粒矜貴嘅魚子，炸至鬆脆嘅鰻魚放到入口充滿層次，鮮甜嘅芒果配上鬆脆嘅鰻魚估唔到係可以咁match望到頸都長，終於等到主菜嚟啦⋯⋯唰唰鍋，每次食日本野男朋友都必叫架，賣相吸引，份量又夠大，啲湯好清甜，牛肉肉質軟滑，層次豐富，最緊要係唔會太肥，入面仲有我最鍾意食嘅日式粉絲，好有咬口，為呢一