搵食工房

營業中

休息中

搵食工房係馬鞍山區內新開嘅餐廳，新裝修所以坐得好舒服，但作為美食沙漠嘅馬鞍山，唔知搵食工房嘅味道如何呢？今日就約咗住喺馬鞍山嘅朋友去搵食工房聚一聚，而作為一間街坊餐廳，重點當然要大件夾抵食，馬鞍山嘅搵食工房做到了。板燒紐約極級封門柳上枱見到板燒紐約極級封門柳，真係嚇一嚇，好似有啲太生，但確實係5成熟，只係牛柳上碟時已經幫你切好晒，令你會有呢個錯覺，因為食落嘅肉質軟腍，肉味香濃，加埋洋蔥汁一啖一件，非常方便。配菜可以揀飯、意粉或薯菜。竹炭爆芝未來漢堡伴脆炸薯條成日以為素食嘅未來漢堡會硬實，無咩肉汁，但原來唔係㗎，點解可以咁juicy嘅？竹炭爆芝未來漢堡配上蕃茄、生菜、蛋黃醬同芝士，非常惹味，真係去到埋單先醒起呢個係素食之選。至於薯條炸得香脆，份量十足。蒜香鮮蝦紅菜頭意大利麵配軟殼蟹黑色嘅墨魚汁意粉就食得多，紅色嘅意粉，唔知係未配合萬聖節氣氛呢？其實紅色嘅意粉係加上紅菜頭汁，所以非常健康。軟殼蟹炸得非常香脆，無過多炸粉。至於意粉入面仲有蝦、彩椒同洋蔥，增添整個意粉嘅口感。