ChaTraMue (已結業)

呢間ChaTraMue最出名就係泰式奶茶，但係飲厭左都想飲下其他野。呢度除左奶茶仲有好多其他茶飲。今日就揀左門口大大個牌推介既正宗泰式沙拉檸檬茶（$29）仲有荔枝綠茶（$29）。呢度係冇得揀小冰或者走冰嘅，仲特登有個牌解釋點解唔可以自選冰度添。但係少甜又可以喎，所以我就揀咗兩杯都要少甜啦。等咗大概5分鐘就出齊兩杯，每樣試咗啲，飲落夠晒冰鎮。泰式沙拉味好exotic，飲下飲下就會有少少桑梅嘅味道，顏色係比較鮮嘅紅色。而荔枝綠茶就係比較深嘅綠色，荔枝味比較重，茶味就比較遜色。呢度都有好多位坐，如果想坐低慢慢嘆都不失為一個好地方。