影片
更多
2012-11-26
64 瀏覽
開放式廚房，員工著上黑白間條衫，好有趣，有啲好奇點解會係呢個設計呢？羊奶芝士蔬菜沙律（蒜蓉茄子、意大利扁豆、羊奶芝士、燈籠椒、車厘茄、 烤洋薊、青瓜、薄荷葉、羅勒、蜜糖紅酒醋沙律汁）呢個沙律大大份，配料多，陣容咁鼎盛，難怪要成百蚊。蜜糖紅酒醋沙律汁好開胃，酸酸甜甜的，好鍾意呢個汁啊。面頭撒上不少我最愛嘅羊奶芝士，一嘗其味絕對係水準以上，正；下面係滿滿嘅蔬菜，蒜蓉茄子好入味，夠淋（茄子最忌爽口），燈籠椒烤過所以味道無咁寡，同樣夠淋唔硬，good。車厘茄多汁新鮮；意大利扁豆第一次食，幾好味。總括黎講呢份沙律很對我口味。絕對可以encore。推薦。芝士拼盤（Tomino芝士、意大利藍芝士、 emmental芝士、巴馬臣芝士碎配橄欖油、焦糖洋蔥）芝士份量不少。隻隻芝士都有試，加在麵包條上味道不錯。焦糖洋蔥好入味好正，幾乎俾我一個食晒。唯獨意大利藍芝士最失色，無藍芝士獨有嘅鹹香，唔夠味。煙三文魚薄餅（煙三文魚、刁草、忌廉芝士、fior di latte 芝士、檸檬）賣Pizza嘅店反而Pizza最唔掂。寫住煙三文魚，但上到黎同我期望嘅完全唔同。三文魚已經熟透了！何來煙三文魚呢？要改為＂三文魚塊＂
羊奶芝士蔬菜沙律（蒜蓉茄子、意大利扁豆、羊奶芝士、燈籠椒、車厘茄、 烤洋薊、青瓜、薄荷葉、羅勒、蜜糖紅酒醋沙律汁）
呢個沙律大大份，配料多，陣容咁鼎盛，難怪要成百蚊。蜜糖紅酒醋沙律汁好開胃，酸酸甜甜的，好鍾意呢個汁啊。
面頭撒上不少我最愛嘅羊奶芝士，一嘗其味絕對係水準以上，正；
下面係滿滿嘅蔬菜，蒜蓉茄子好入味，夠淋（茄子最忌爽口），燈籠椒烤過所以味道無咁寡，同樣夠淋唔硬，good。
車厘茄多汁新鮮；意大利扁豆第一次食，幾好味。
總括黎講呢份沙律很對我口味。絕對可以encore。推薦。
芝士拼盤
（Tomino芝士、意大利藍芝士、 emmental芝士、巴馬臣芝士碎配橄欖油、焦糖洋蔥）
芝士份量不少。隻隻芝士都有試，加在麵包條上味道不錯。焦糖洋蔥好入味好正，幾乎俾我一個食晒。
唯獨意大利藍芝士最失色，無藍芝士獨有嘅鹹香，唔夠味。
煙三文魚薄餅
（煙三文魚、刁草、忌廉芝士、fior di latte 芝士、檸檬）
賣Pizza嘅店反而Pizza最唔掂。寫住煙三文魚，但上到黎同我期望嘅完全唔同。
三文魚已經熟透了！何來煙三文魚呢？要改為＂三文魚塊＂才對吧？
同埋個薄餅底唔好食，薄得黎係淋嘅（可能因為淋上大量蕃茄醬？），唔脆。
口感似食緊麵粉餅。
整份薄餅都唔好食。PizzaHut可能仲好。
肉醬千層寬麵
（肉醬、蘑菇、蕃茄、白汁、巴馬臣芝士）
千層寬麵少許蕃茄粒嘅蕃茄醬上，蕃茄醬味道夠濃而且杰杰地，我鍾意。
寬麵面頭雪白嘅一層望落以為係芝士，但原來只係焗過嘅濃杰白汁，同正宗Lasagna嘅做法唔同，但又不失美味。
每層之間都有豐富嘅肉醬同埋白汁。好在係同人share，否則一個人食完晒一定好濟。
沙律，意大利麵都好滿意，除咗pizza。下次要試試焗磨菇／其他Pasta／甜品。
另外，咁啱坐到望海嘅桌，有風景睇吓唔錯，幾寫意。
張貼
