たまご園 (朗豪坊) (已結業)

呢間餐廳主打雞蛋料理，所有嘅雞蛋都係沖繩直送。假日嚟，等位大概都要半個鐘左右。叫咗大阪燒風八爪魚卷，面上有紫菜、沙律醬等配料。蛋味幾香，入邊有八爪魚，連埋個醬汁幾好食。明太子忌廉意粉🍝估唔到都唔錯，意粉份量幾多，而且係幼身意粉，食落幾彈牙。有好多明太子，而且意粉幾多醬。飲品叫咗黑糖珍珠奶茶少甜，呢度嘅珍珠奶茶都幾好飲，可能叫咗少甜，所以味道剛剛好。最後當然唔少得叫咗個蜜桃疏乎厘pancake。有蛋香味，整得都唔錯，一份有三件，仲有焦糖醬。甜品唔錯！