影片
更多
2011-08-16
23 瀏覽
好少寫食評，但實在太難食一定要寫出來。睇飲食男女廣告, 知道新推出lunch 放題, $138 好似幾抵食, 一早打去book 定位, 點知原來根本係唔駛book 位的, 我地一行二人, 星期六 12:15noon 到, 去到阿姐在拖地中, 成地濕濕的, 雖然疑似老板娘非常熱情招呼及給予溫馨提示 "小心跣腳" , 但見到全場只有一位客人,冷清得不能再冷清......原本以為未到一點未到午市, 太早客人未到, 但我地坐到2:30p.m 見係全場都係8人 (4 檯客) , 之後終於明白冷清的原因.好似有好多選擇, order 紙都有7,8款, 好彩我地唔係一次過click 好多野, 都係主攻壽司,刺身，每樣要一兩件,否則就大件事, 因為實在好難食, 食剩又要多收50% charge, 我地好辛苦先食晒.(1)老板娘極力推介的芝士醬燒蠔 : 勁多芝士，係太多芝士，完全食唔到蠔味, 好明顯係d 蠔唔新鮮, 所以用芝士遮晒d 味。(2)所有刺身都係一陣雪櫃味, 叫了兩片吞拿魚, 食了半啖, d 肉是“霉”的。唔敢再食。(3)原隻甜蝦 : 真係原隻，皆因連殼上，要自己搣殼 !!! 本來都冇乜所謂，
好少寫食評，但實在太難食一定要寫出來。睇飲食男女廣告, 知道新推出lunch 放題, $138 好似幾抵食, 一早打去book 定位, 點知原來根本係唔駛book 位的, 我地一行二人, 星期六 12:15noon 到, 去到阿姐在拖地中, 成地濕濕的, 雖然疑似老板娘非常熱情招呼及給予溫馨提示 "小心跣腳" , 但見到全場只有一位客人,冷清得不能再冷清......原本以為未到一點未到午市, 太早客人未到, 但我地坐到2:30p.m 見係全場都係8人 (4 檯客) , 之後終於明白冷清的原因.
好似有好多選擇, order 紙都有7,8款, 好彩我地唔係一次過click 好多野, 都係主攻壽司,刺身，每樣要一兩件,否則就大件事, 因為實在好難食, 食剩又要多收50% charge, 我地好辛苦先食晒.
(1)老板娘極力推介的芝士醬燒蠔 : 勁多芝士，係太多芝士，完全食唔到蠔味, 好明顯係d 蠔唔新鮮, 所以用芝士遮晒d 味。
(2)所有刺身都係一陣雪櫃味, 叫了兩片吞拿魚, 食了半啖, d 肉是“霉”的。唔敢再食。
(3)原隻甜蝦 : 真係原隻，皆因連殼上，要自己搣殼 !!! 本來都冇乜所謂，但係搣唔到殼，再大力少少搣，就成個蝦頭甩了出來，，蝦肉黐住殼，食了些少，蝦肉係“霉” 的，都唔敢再食。可想而知其新鮮程度如何 ?!?
(4)老板娘極力推介的秋刀魚幽奄燒，即係燒秋刀魚，算係比較好些少的一款食品，去了魚骨，再捲成卷狀，易入口。賣相ok，不過我地二人每人只食了兩件，之後再order 時竟然漏單，ok ，再落order吧，但都係漏單，但全場只得8位客人都竟然可以漏單，好明顯係唔想整俾你食，唔想做生意。
(5)老板娘另一推介小林尊燒羊架，不過我地二人最初只叫了一件，食了覺得ok，之後再order 又係漏單，再落單，都係漏單，都係o個句，全場只得8位客人都漏單，即係叫你唔好再幫襯佢地咯。
(6)手卷: 大大件，不過唔好食。飯沒有飯味，好明顯唔係日本米，不過算，一分錢一分貨，都唔可以對$138 一位有過分的期望及要求。 但真係完全唔好食，係求其搵塊紫菜包舊飯俾你食，一d 誠意都冇。服務員送上手卷時仲叮囑我地手卷要即食如果唔係紫菜會”林”，我地聽佢指示馬上食，不過….紫菜都係”林” 的，仲係韌的，咬唔開。而且超孤寒，食極都食唔到d 料o向邊，原來只落了好少好少料，成件手卷，超過 95% 都係飯！
(7)炸軟殼蟹卷：炸物沒有剩炸軟殼蟹，於是叫了炸軟殼蟹卷，但同手卷一樣，飯多料少，少得可憐我估計夾在炸軟殼蟹卷中的炸軟殼蟹”粒”，size 不會長過 1 cm …亦不會厚過0.3 cm !!!
(8)甜品: 雜誌廣告話有好多選擇，最後得六款。木糠布甸、意大利芝士餅、朱古力都甩、迷你芭夫條、雲尼拿忌廉芭夫、迷你蛋卷。 款式唔多都唔緊要，有一款好食的都已經夠了，可惜，我地試了三款，已經放棄唔想再食落去。木糠布甸，完全唔係木糠布甸，上層一層(1/6) 係薄薄餅干碎，下層(5/6) 係奶油cream 之類，好難食，食了一啖就食唔落。之後。另外o個兩樣，迷你芭夫條、雲尼拿忌廉芭夫，一咬落去，食到有冰，同埋一陣雪櫃味，都唔知擺了幾耐。
(9)埋單$304，每人 $152。真係一分錢一分貨 !!! 我覺得每人$152 但只有一樣秋刀魚係勉強OK的(*不過叫了兩次，每人食了兩件之後唔再俾你食) ，就係完全貨不對辦。沒有誠意的什麼西日式放題！沒有任何水準可言，冇下次！
張貼
