Beerliner German Bar & Restaurant (已結業)

有一日，波波突然好想食洋腸，於是就去咗呢間德國餐廳度食德國腸喇！呢個併盤有四條洋腸，一隻鹹豬手，仲有啲薯條添！腸仔方面呢，一嚟夠大夠粗，二嚟喺味道方面呢都做得好出色，啖啖肉汁之餘，仲有條腸直情會有芝士汁射出嚟添，真係爽呀！再講下隻豬手，啲皮係就係幾脆身，但佢皮下嘅脂肪好痴身，令到成個口感都冇咗種脆卜卜嘅感覺，反而好似難咬咗！呢間餐廳仲有樣嘢就係收唔到訊號，可以好專心食野喇！