百瀧意粉薄餅餐廳 (已結業)

由於今朝好晏先起身搞到好晏至食午飯，又食咗個下午茶，夜晚就冇乜胃口，所以今晚淨係食咗兩個用爸爸媽媽個餐加錢轉嘅甜品：木糠蛋糕同埋焦糖布丁。先講下個木糠蛋糕，個蛋糕本身幾好食嘅，不過甜咗少少，同埋上面層吉士有啲膩嘅感覺，就算分開四個人食都覺得好飽，不過佢側邊有加紅豆，係個幾聰明嘅做法，同個蛋糕一齊好似成件事昇華咗咁。另外個焦糖布丁，層焦糖真係做得唔錯，無果種啲糖燶晒＆好苦嘅味道，下面嘅布丁好滑，正！價錢方面，如果平時叫我散叫就真係唔客氣啦，不過用餐甜品轉就好似抵少少。