慢吞吞雲吞專門店 (已結業)

抱住一個好奇心態去試，可能已有心理準備，所以以平常心去食。以雲吞做買點，有中西式煮法，不過雲吞餡料就沒有太大分別。為了試有咩分別，我中西都叫了各一。中式係紫菜蝦雲吞要魚湯底，加錢轉餐有麵同餐飲，個魚湯冇魚鮮味，而雲吞餡唔算少，紫菜同蝦都容易食到，反而欣賞杯咖啡喎，幾香濃。西式係香蒜橄欖油焗素菜雲吞，雲吞皮都係用中式個隻，唔似意大利雲吞皮較厚身，搞到一夾就爛，墊底的薯蓉好淡唔夠味。值得稱讚係佢o地服務態度，唔該前唔該後，好好禮貌。正如學foodking 所講叫番做茶餐廳，可能俾食客較易接受。