影片
更多
2021-04-23
516 瀏覽
滿心期待搵一間評價高既鐵板燒慶祝男朋友生日，最後帶有遺憾地離開。知道舖頭位置有限，都打定電話名言慶祝生日，希望安排近師傅煮食既位置，最後我地坐係近門口，師傅準備餐點同出餐既位置⋯⋯我地訂左中午一點食，叫左set，每位558加一。前菜師傅放低就走左，冇望我地亦冇講係咩，個一下我覺得自己去左茶餐廳⋯⋯ 但其實茶餐廳都會講下ABCD餐。Anyway 鵝肝香滑，配小小酸又爽口既白蘆筍啱啱好。沙律正常發揮。 準備既師傅應該冇留意碟邊，一拎隻碟就滿手油⋯⋯刺身新鮮南非鮑魚，調味入味得黎一d都唔韧👍🏻澳洲大蝦，d肉有小小霉。我同男朋友一個揀左鮑魚，一個揀左大蝦。由於師傅係先煮鮑魚，煮完所有order左既鮑魚再煮大蝦，我地係一個食先一個食後，係碟蝦啱啱放低冇耐既時候，和牛就上菜了，但其實和牛呢個時候就已經失去溫度，因為係另一位師傅提早準備好放左係一邊，然後再由我地個師傅切片上菜。雖然凍左，但都食到脂肪味道濃郁，肥瘦適中，口感柔軟，熱辣辣既時候應該更好食。蛋炒飯，依然係另一個師傅炒好左一大碗，然後由我地既師傅再加工，我第一次食鐵板燒，唔知呢個係咪常規做法，我感覺到既只有師傅們趕住中午落場收工。 翻炒左既
知道舖頭位置有限，都打定電話名言慶祝生日，希望安排近師傅煮食既位置，最後我地坐係近門口，師傅準備餐點同出餐既位置⋯⋯
我地訂左中午一點食，叫左set，每位558加一。
前菜師傅放低就走左，冇望我地亦冇講係咩，個一下我覺得自己去左茶餐廳⋯⋯ 但其實茶餐廳都會講下ABCD餐。Anyway 鵝肝香滑，配小小酸又爽口既白蘆筍啱啱好。
沙律正常發揮。 準備既師傅應該冇留意碟邊，一拎隻碟就滿手油⋯⋯
刺身新鮮
南非鮑魚，調味入味得黎一d都唔韧👍🏻
澳洲大蝦，d肉有小小霉。
我同男朋友一個揀左鮑魚，一個揀左大蝦。由於師傅係先煮鮑魚，煮完所有order左既鮑魚再煮大蝦，我地係一個食先一個食後，係碟蝦啱啱放低冇耐既時候，和牛就上菜了，但其實和牛呢個時候就已經失去溫度，因為係另一位師傅提早準備好放左係一邊，然後再由我地個師傅切片上菜。雖然凍左，但都食到脂肪味道濃郁，肥瘦適中，口感柔軟，熱辣辣既時候應該更好食。
蛋炒飯，依然係另一個師傅炒好左一大碗，然後由我地既師傅再加工，我第一次食鐵板燒，唔知呢個係咪常規做法，我感覺到既只有師傅們趕住中午落場收工。 翻炒左既飯既有d痴埋左，口感亦比較硬。
麵豉湯同漬物 正正常常
大熱左一段時間既日東卷作為甜品結尾
就今次體驗而言，食物質素唔錯，但服務態度有待改善。由頭到尾，只有我碟澳洲大蝦上菜既時候有講菜名，又譬如甜品，食完我都唔知個蛋卷係咩味。
另外有小小失望既地方係，遲左上我既餐，但冇去調整後面上餐既速度，成件事好趕，唔想食凍左既鐵板燒就要食快d😔
初初我有諗過係咪因為午市忙，但其實由我地入座到離開都冇新客入黎。
只能講冇期待就冇失望。
張貼
