金鶴拉麵 (九龍城道) (已結業)

一向知道金鶴拉麵雞湯出名，見呢期promote黑松露極濃雞湯拉麵，聽落好正咁喎，當時有個迷思，到底係極濃黑松露定係極濃雞湯，試試囉，哈哈。店舖環境好正，似江戶時代既木柵門，居酒屋式嘅吧檯，俾客人睇住自己碗麵誕生，東主係設計餐廳個陣好尊重日式拉麵店嘅傳統。通常啲餐廳都只係見到一茶匙左右嘅黑松露醬， 金鶴拉麵毫不吝嗇，我諗我應該係見到兩湯匙份量嘅黑松露醬！總之就係比想像中多好多！未食已經聞到強烈的黑松露味，溝勻咗顏色好滿意，好似磨菇湯咁，證明超多黑松露（好多地方一撈勻啲黑松露就消失咗....），美味可想而之，每啖湯都有黑松露味，同雞湯配搭就似天作之合。麵中伴隨好多木耳絲，即刻感覺喺食肉嘅世界中得到平衡。雞柳好嫩。食完去一去洗手間有驚喜，十分貼心嘅女洗手間，承傳日本女士飯後要整理儀容嘅習慣，有牙線、漱口杯，小小金鶴有咁高級嘅洗手間，為整體更添日本氣息！