嘉咸咖啡 (已結業)

看見這麼多好評，早幾晚便和辣椒女來試試，因怕無位，所以先預訂了坐位，但原來平日晚上來，想唔係想象中這麼多人。我們叫了凱撒沙律、香煎羊扒、白酒芹香鮮蜆燴天使幼麵和咖啡。凱撒沙律- 醬汁太濃太多，麵包太大粒，生菜新鮮，總括來說，只是好一般，不過不失。香煎羊扒- 我們叫了六成熟，但感覺應該唔止，因此羊肉偏韌，羊肉帶有微微的羊羶味，唔算太濃烈，好在味道控制得幾好。白酒芹香鮮蜆燴天使幼麵- 因我們喜歡偏爽身的天使麵，所以一早落單時已說明，但來到時才知，是湯底天使麵，麵浸在湯中，想爽身都幾難了，果然麵質偏腍，而且份量很少，每人半碗已沒有了；返而蜆肉就好多，味道也幾鮮和辣，但食完都唔多飽肚。咖啡- 叫得做嘉咸咖啡，想必咖啡應該唔錯掛，當然要試試啦；可惜來到時感覺咖啡唔夠香濃，奶味過重，如淨飲就更差，加了糖才能入口，真係失望。本來見食評說甜品蛋糕幾好，但試完這幾味後，已沒有心情再試其它食物了。價錢在蘇豪區來說，是比較平的了，但食物質數，就只是好普通。地方比較細，因此人多都幾嘈！