終於等到Happy Friday ，今晚同朋友仔齊齊去食爐端燒放題，之前團購買左近$250蚊的放題優惠券，醒目的朋友仔一早BOOK 左HAPPY FRIDAY NIGHT 四條友大吃大喝一餐。
訂左6點半的檯，朋友A和我準時到達！咦！點解無人0既？唔好理咁多，叫杯橙汁飲下先啦，朋友就叫左杯凍烏龍茶。橙汁夠濃沒有稀釋左，都算一開始有個好印象！
等左15分鐘，朋友B和C 亦到齊，入座即送0既長腳蟹和燒和牛可以上檯啦！剛好各2人份咁上，正！長蟹腳我麻麻地，嫌食起上來麻煩，朋友話都夠鮮味，幾好食。我就選擇了啖啖肉的和牛，上菜時用個石板上，滋滋聲夠晒熱，香味飛晒出來！
估唔到放題送的野食都有咁0既水準、入口即溶的和牛好鬼正！相對來說那個又係送0既6品刺身就唔夠驚喜，賣相幾好，最正係牡丹蝦夠肥味！其他都係一般貨色啦，好在都夠新鮮衛生。
張order 紙得兩面，一眼”立” 都唔係太多選擇，但有d 野食都幾特別，好似”日式燒餅”、”茶漬飯” 、”清酒煮蜆”、”石鍋飯”、… ，我地樣樣叫左D，上菜速度都合格，唔會叫左唔來咁奸詐。個人來講就嫌爐端燒選擇唔夠多，反而其他野食，樣樣野都有一定水準，賣相味道都ok。因為以往食過幾間放題都會遇到叫左野食唔來，或者選擇多，但係樣樣野都係一樣味，同埋好油膩咁。
不知不覺食左一個鐘有多，店舖原來都滿左8成，這裡最抵讚的係個環境，座位之間的間隔夠闊落，坐滿都唔覺太噪吵！
酒筲箕朋友A 喪飲啤酒，一杯接一杯SAPPORO 生啤，佢話淨飲生啤都抵返晒！我地喪食左大約3~4 ROUND到都差唔多到頂，時間亦差不多了(限時120分鐘)，死都要留返個胃食雪糕，今日有芝麻同雲呢拿，每款吃了一個單球！好鬼正！原來係日本牌子A1！可惜我已經太飽了，如果唔係一定喪食多幾球！
總括來說，以這個環境、地區來說，加埋一$300有找的放題都算是滿足的一餐！
