首先上個湯，份量都幾多，仲要裡面有隻雞腳同埋雞腎，唔錯。之後就上２個餸，雖然唔算大碟，但味道中上，份量夠我地２個人。食完飯後，佢就幫我地也執台同埋自動送上番薯糖水，呢餐就畫上完滿既句號。
或者有ｄ人好好奇，團購既份量同正價既有無差別，就呢間黎講，好肯定係無分別既，因為我坐果張台既左鄰右里都有叫魚腩，但佢地唔係用券既，但個份量就差唔多，所以呢間真係良心小菜館，就算無券都可以去試下呢ｄ外省菜。
P.S食完野隔左幾個鐘都唔覺得口渴，應該無咩味精，大家可以放心食。仲有ｄ伙記好好禮貌，絕無因為我地用團購券而ｉｇｎｏｒｅ我地，反而好關顧ｔｉｍ，我地走果時仲要講句「多謝晒」，嘩劉華精神又出來了。
