二記飯店 (已結業)

三五好友好耐無食過小炒，其實是朋友推介食二記，而且十一點幾，選擇唔多，就試試啦！其實都係似舊式大排擋咁。我們四個人叫左蠔仔粥，好水好水，我們覺得太水，同好淡咁...所以大家都唔係好鍾意食，最後仲食剩。另外仲有叫左半隻炸子雞，普普通通，但食到有味.....好似係雪味咁。但個皮都炸得脆既。最好味既係薑蔥蠔仔煲，好惹味...d 蔥用黎送飯一流大家都搶住食咁制，份量比較少。朋友叫了焗雞蛋焗魚腸，因為真係好小地方有dd咁傳統食物，但味道都係一般，好似無味咁，要落好多胡椒粉至有味。侍應哥哥話勝子大隻，我們就叫了三隻，因為有朋友唔食，係真係好大隻，但我覺得過熟...好難咬到..都新鮮既，但就因為過熟破壞左個質素。侍應門都好落力推介你食孖寶，大家都可以留意下，因為會低D