皇朝私房火鍋

營業中

休息中

打過幾圈麻雀之後，肚仔餓，地膽兼大贏家就帶我地去食好西。穿過一啲橫街窄巷，我地入到一間蒸氣鍋店，店裏嘅氣氛同格局好有江湖味，而且啲人講嘅好大聲，好似江湖片。同一般蒸氣店一樣咁落粥底，之係個鍋係有啲唔同。我地主要係叫啲海鮮黎蒸，因為呢度啲海鮮都真係幾新鮮生猛。象拔蚌仔仲係活嘅，一下放落去蒸，超鮮甜。蟹仔一樣勁fresh，雖然冇乜蟹羔不也啲肉質勁嫩勁鮮甜。仲有海蝦，爽口又彈牙，無得頂，我地叫佐十幾隻。蒸蠔、蒸帶子，唔洗講睇樣就知系正斗嘢，味道鮮甜無比。最後食返碗蒸好嘅粥，真正係食夜粥。