北京酒樓 (已結業)

尋晚同朋友聚舊, 上黎第一個感覺:好多人好迫呀! 果d圓枱好似六神合體咁黏埋一齊, 客人坐到好似返工搭地鐵咁, 隻手擺後d都可以摸到人地蘿柚. 侍應叔叔一眼關七, 反應快, 一句起兩句止, "得" "好" "黎" "小心" "上菜"....有啲人會唔慣, 但我覺得好配合呢度嘅環境同氣氛, "快狠準", 猶如武俠小說裡的店小二, 而我就同幾位掌門醉酒論劍....飲勝....(發夢中)....咁迫, 點解都咁多人黎食? 因為好食. 北京填鴨皮脆肉厚, 小籠包多汁, 高力豆沙香口, 其他菜式都好好味! 有機會一定再黎!