影片
更多
2022-12-13
17 瀏覽
臨近年尾又開始搵朋友一聚, 今晚就去咗銅鑼灣新開樓上舖食Omakase。進店隨即被安排入房, 原來用餐前, 會先以日本傳統茶道招呼。店員即席刷抹茶, 邊介紹抹茶來源同埋茶道, 先品嚐傳統嘅和菓子, 味道偏甜, 而即刷嘅抹茶, 口感輕盈順滑, 茶味香濃不澀。品嚐後再出大廳準備開餐。晚市分別有兩個價錢套餐選擇, 我就揀咗食物較豐富嘅set, HK$1,880/位。前菜三品: 蟹羊羹、岩石玉子、白梅貝蟹羊羹: 賣相晶瑩剔透, 透視了一絲絲蟹肉同埋幾粒秋葵, 質地呈jelly狀, 但唔覺有味, 只係咬嘅時候有秋葵黏液漏出。岩石玉子: 雞黃包住幾粒蛋白, 頂層以柚子醬點驟, 整件入口先食到柚子嘅香甜, 再有好香濃蛋白味, 最後有蛋黃香滲出。白梅貝: 經慢煮過, 質地爽中帶林, 食到原本嘅鮮香同香甜。北海道厚岸蠔: 新鮮即開, 加咗土佐jelly醋, 蠔肉肥美爽彈, 甜酸醋更提升鮮味。鰹魚BB: 將本體經烘焙, 加入即刨木魚碎、紫洋蔥、蔥花、花茗茼、鰹魚汁, 鰹魚魚邊經火灸過, 夾埋其他配料一齊食, 有陣陣煙燻香氣, 同時又食到火灸嘅香口, 而且有層次。貝類刺身 (兩款):活赤貝: 口感爽滑, 有
店員即席刷抹茶, 邊介紹抹茶來源同埋茶道, 先品嚐傳統嘅和菓子, 味道偏甜, 而即刷嘅抹茶, 口感輕盈順滑, 茶味香濃不澀。
品嚐後再出大廳準備開餐。晚市分別有兩個價錢套餐選擇, 我就揀咗食物較豐富嘅set, HK$1,880/位。
前菜三品: 蟹羊羹、岩石玉子、白梅貝蟹羊羹: 賣相晶瑩剔透, 透視了一絲絲蟹肉同埋幾粒秋葵, 質地呈jelly狀, 但唔覺有味, 只係咬嘅時候有秋葵黏液漏出。
岩石玉子: 雞黃包住幾粒蛋白, 頂層以柚子醬點驟, 整件入口先食到柚子嘅香甜, 再有好香濃蛋白味, 最後有蛋黃香滲出。
白梅貝: 經慢煮過, 質地爽中帶林, 食到原本嘅鮮香同香甜。
北海道厚岸蠔: 新鮮即開, 加咗土佐jelly醋, 蠔肉肥美爽彈, 甜酸醋更提升鮮味。
鰹魚BB: 將本體經烘焙, 加入即刨木魚碎、紫洋蔥、蔥花、花茗茼、鰹魚汁, 鰹魚魚邊經火灸過, 夾埋其他配料一齊食, 有陣陣煙燻香氣, 同時又食到火灸嘅香口, 而且有層次。
貝類刺身 (兩款):活赤貝: 口感爽滑, 有少少海水味
北寄貝: 比活赤貝更厚更爽、更鮮甜
北海道毛蟹:
將蟹膏、同埋蒸煮過嘅蟹腳、蟹身撈埋一齊食, 蟹膏甘香濃郁帶鮮, 仲食到蟹嘅肉汁。
銀鱈魚BB: 腩位經火灸, 加入自家製醋味噌湯, 超爽滑, 酸酸地嘅調味平衡到魚油。
煙燻吞拿魚漬: 配有櫻花蝦、日本野菜, 煙燻味特濃, 魚油澎湃從口中湧出, 野菜平衡到魚油嘅膩。
中段安排送上熱食煮物: 里芋爽滑粉嫩, 茨汁中加入咗紫菜, 好滑清香清甜, 紫菜味很重。伴上嘅蔬菜吸咗湯汁, 同樣清甜。
青桔啫喱配醃蘿蔔夾煙燻芝士:青桔啫喱甜酸清新; 微爽酸酸地嘅醃蘿蔔夾住軟滑cream cheese, 味道很match
北海道帆立貝: 肥美鮮甜, 清香嘅柚子皮更提升了鮮味。
深海大池魚: 魚質爽滑, 以柚子胡椒做點驟, 令味道更清新提鮮。
金目鯛: 經火灸過有微微焦香, 帶有原本鮮香味。
北海道牡丹蝦: 肥美爽口, 配上被燒香過嘅蝦頭嘅膏同埋蝦籽被燒香, 鮮甜回甘。
赤目魚: 淡淡魚味, 面頭加上日本長白蔥, 甘香味重。
鮑魚海膽丼: 鮑魚經慢煮四小時, 飯粒以鮑肝調味, 令口感很soft, 肝味濃郁; 配上入口即化甘香嘅馬糞海膽, 正!
鹿兒島A5和牛配五彩米通:罕有係香港可以食到日本人喜慶先食到嘅五彩米通;
牛脂豐富甘香澎湃, 表面平均沾上五彩米通, 有助平衡到油膩感。
舞菘湯: 輕身清甜, 有幾件菇食下…
最後送上甜品: 水信玄餅取自碟豆花晶粉藍色瑩剔透賣相, 透出了食用花, 以少少金滔點驟, 更顯明貴。
再配搭黃豆粉、黑糖醬、紅豆蓉, 整體甜甜地。
師傅還再送上布甸蛋, 表面烤咗層薄薄嘅焦糖脆, 口感好似crème brûlée質感, 有淡淡蛋甜。
臨走前, 還送上江戶時代傳統賀禮, 喻意祝福, 很窩心。
張貼
