桂月 (已結業)

深水埗同太子附近都開咗唔同嘅Cafe，今次再同大家試吓依間，由於唔係好肚餓，我哋嗰日就叫咗個set lunch，首先會包一個沙律或者湯，今次係香港草蕃茄湯，蕃茄湯好濃郁,亦都唔會咁好杰身，至於田園沙律好清新，而家天氣好熱，所以食清爽啲，胃口都好啲😂😂😂至於主菜我哋就分別叫咗牛油果煙三文魚墨西哥卷配田園沙律🥗，西西里蕃茄醬肉丸意大利粉🍝, 兩樣菜式都好適合夏天食用，墨西哥卷好Fresh,而且牛油果同煙三文魚非常之夾，西西里蕃茄醬好開胃，而且肉丸都好有口感，唔會有好硬同埋好乾身嘅感覺，雖然兩樣菜式都好簡單，但係簡簡單單已經好好味啦😉而且夜晚都會變成個酒吧，可以同朋友一齊暢飲，一齊傾偈😝