汀汀烤活魚主打傳統烤全魚，再加入打邊爐元素，就變成好有特色既打邊爐+烤魚。今餐由友人發辦。
首先上左個免費小食，係花生同炸黃豆，好脆。
老壇子酸菜魚 $268 另加一
服務員上老壇子酸菜魚時特別提示滾左之後較細火就可以食。連皮魚塊大概有十五，六舊，真係好滑又冇骨。酸菜份量唔少，好爽口。其他材料有薑片同蒜頭。叫左少辣，食落辣度同酸度都適中。
魚頭同魚骨炸完之後另上，可以沾湯食，或者就咁食。炸得好脆口，係骨吞唔到要小心啫。下底墊底嘅生菜仲可以淥埋黎食。
招牌新鮮魚卜 $78 另加一
招牌新鮮魚卜一客六件，又滑又爽脆，果然係招牌。
蝦丸 $68 另加一
蝦丸一客八粒，明顯手打，食落超彈牙爽脆，真係有鮮蝦，好正。下底墊底嘅油墨菜都可以淥黎食。
A級安格斯肥牛 $168 另加一
A級安格斯肥牛一客10塊，油花好靚，食落肉汁豐富又嫩口，好過尋日牛陣嗰啲勁多。下底都有好多梛菜絲墊底。
萵荀 $48 另加一
萵荀一大碟，睇樣都知新鮮，食落好爽脆，配酸菜湯食味道好，唔會太辣。
忌廉 $13 另加一
叫左罐忌廉梳打降吓温。
總括而言，食物質素都唔錯。
