氷川菓屋 (已結業)

今次我地黎到山林道嘅一間刨冰小店，平日夜晚唔算好多人，但店內就冇位坐喇，於是我地點左刨冰就喺門外嘅位置食。藍莓乳酪刨冰：藍莓口味都係坊間比較少見，所以試下。面頭有幾粒藍莓，淋上藍莓醬，食左個頂會見到有舊藍莓奶凍，味道都唔會過甜，亦都冇唔自然嘅藥水味。呢個份量都算幾抵，藍莓就普通啲，比較酸，醬嘅味道略嫌淡左少少，不足以撐起整個冰，所以食到尾冇味道。我食食下，仲成個塌左，好可憐，冰溶嘅速度真係幾快。試左幾款，都係覺得白桃味道比較出眾，值得一試啊。