四寶食堂 (將軍澳中心)

營業中

休息中

雖然行緊低碳meal，但都無阻我岀去食飯🥰今晚試咗將軍澳新開嘅四寶食堂，價錢合理，大大份，嘢食又嚟得快，一定有下次水門雞半隻（$88）- 雞夠高蛋白質😍 啲雞肉好嫩滑，一個人食晒半隻雞無難度，不過以健康為由我無食雞皮好乖㗎☺️ 同個水門汁真係好惹味，點小小已經好夠味。沙嗲金菇安格斯牛肉粉絲煲（$98）- 熱辣辣嘅沙嗲粉絲煲送飯一流，我試咗幾啖，啲粉絲索晒香濃嘅沙嗲汁，加上鮮嫩入味嘅安格斯牛肉，真係好味。加$28轉套餐有燉湯同飯，燉湯好高質同足料，飲完都唔覺口渴，值得試。蟲草花杞子高湯浸時菜（$78）- 岀街要食健康當然要嗌個菜，時菜可以自己揀，我就揀咗西蘭花有高啲營養，估唔到蟲草花同杞子份量都唔少喎。