意粉狂熱 (屯門時代廣場北翼)

營業中

休息中

好耐無食過西餐，呢間意粉狂熱見到啲野食種類好豐富，所以就黎試下先！點咗佢地推廣緊嘅 香煎鮭魚配味噌忌廉製意粉🍝食落好有驚喜，意粉質地好軟韌，口感小小似烏冬，超好咬口！忌廉汁好香濃，加埋煎到剛剛好嘅三文魚，入面仲係小小粉嫩，無咁上下功力都煎唔出呢個火喉嘅三文魚明太子忌廉芝士海老pizza 好豐富嘅一個批，明太子加忌廉係最佳配搭，芝士亦好香濃，餅底也很出色，很有咬口，好喜歡呢個咸咸甜甜嘅pizza配搭蒜味芝士雞翼配上蒜味芥末醬，雞翼即叫即焗，上到枱熱辣辣，雞翼肉質嫩滑多汁，點上芥末醬辣辣地甜甜地，好食！香辣蕃茄汁煮青口蕃茄汁不算濃，不會靠過青口味道，辣辣嘅汁配上青口，非常惹味新鮮蝶豆花檸檬冰茶非常搶眼打花影相一流的飲品，味道酸酸甜甜十分解膩。