影片
更多
2003-06-01
37 瀏覽
今晚同兩個外國朋友食飯，佢地來香港純屬過境性質，只stopover香港一天，叫我帶佢食D中國菜，咁行開旺角買game碟，就來了食客家菜。三個人食飯不叫得太多菜，只叫了鹽焗雞、梅菜扣肉、蒸鯇魚同東江豆腐煲四樣泉章居的代表菜色。鹽焗雞有一貫水準，肉質鮮味亦有咸香，少吃鹽焗雞的會覺得D雞肉又咸又涷，但鹽焗雞唔咸就即係白切雞，加上雞係一早整定等客人order才浸一浸再斬件上檯的，所以通常只是暖暖的而唔係好似碟頭菜咁熱，去第二度食貴妃雞白切雞都係這樣的，要熱除非是炸子雞，或家鄉雞！梅菜扣肉同蒸鯇魚亦是正，雖然條鯇魚不算太嫩滑，但兩個外國人食到好開心，仲叫多兩碗飯來撈埋D梅菜來食，真係比本地人還識食。問佢地唔怕油咩？佢地話中國菜一向重油水，食得就預左，真係比本地人還醒目！其實客家上海潮州四川京菜都多油，怕油的真係食少好多好野。東江豆腐煲好大煲，亦好多料，雖然好食都食剩半煲！飯後仲諗住帶佢地去九龍城食甜品，點知實在太飽，唯有下次啦。埋單300蚊有找，因食物份量幾大，其實叫少條魚都得，咁就二百多，幾抵食。<唔知點解好多人都一致話呢度食物水準比銅鑼灣店遜色，但以幾樣泉章居拿手小菜來說，實在唔覺得
三個人食飯不叫得太多菜，只叫了鹽焗雞、梅菜扣肉、蒸鯇魚同東江豆腐煲四樣泉章居的代表菜色。
鹽焗雞有一貫水準，肉質鮮味亦有咸香，少吃鹽焗雞的會覺得D雞肉又咸又涷，但鹽焗雞唔咸就即係白切雞，加上雞係一早整定等客人order才浸一浸再斬件上檯的，所以通常只是暖暖的而唔係好似碟頭菜咁熱，去第二度食貴妃雞白切雞都係這樣的，要熱除非是炸子雞，或家鄉雞！
梅菜扣肉同蒸鯇魚亦是正，雖然條鯇魚不算太嫩滑，但兩個外國人食到好開心，仲叫多兩碗飯來撈埋D梅菜來食，真係比本地人還識食。問佢地唔怕油咩？佢地話中國菜一向重油水，食得就預左，真係比本地人還醒目！其實客家上海潮州四川京菜都多油，怕油的真係食少好多好野。
東江豆腐煲好大煲，亦好多料，雖然好食都食剩半煲！飯後仲諗住帶佢地去九龍城食甜品，點知實在太飽，唯有下次啦。
埋單300蚊有找，因食物份量幾大，其實叫少條魚都得，咁就二百多，幾抵食。<
唔知點解好多人都一致話呢度食物水準比銅鑼灣店遜色，但以幾樣泉章居拿手小菜來說，實在唔覺得係差好多。
張貼