影片
更多
2020-01-17
157 瀏覽
今晚男朋友話帶我去食私房菜浪漫下 行過山林道 繞過小巷後面原來 別有洞天 我自己 真係未行過入嚟 真係正式隱世私房菜, 打開門, 餐廳環境有格調, 黃燈光少少昏暗, 唔會好嘈, 感覺舒服又有情調。私房菜menu定期會轉, 而家既係new year menu廚師精選小食有兩款Cold cuts, 蘑菇沙沙同埋鯷魚餅, 好精緻! 小小既蘑菇上面放有蕃茄, 青瓜, 蒜片再加入黑醋, 味道十分豐富多層次。鯷魚餅夾著沙律醬, 鯷魚咸咸香香, 配合餅乾同沙律醬味道好特別又好夾。紅菜頭乳酪沙律首先紅菜頭沙律喺外面比較少有, 我就好中意食既所以一見有就揀左佢, 但係男朋友就怕紅菜頭陣草青味, 但一入口佢竟然話無個陣味, 仲食到lamlam脷我諗係因為加入咗希臘乳酪同埋乾果, 甜甜的仲好健康添!法式龍蝦湯呢個龍蝦湯不得了❗可以話係我飲過最濃郁嘅龍蝦湯❤呢個龍蝦湯真材實料, 大廚話除左用龍蝦熬製出嚟, 最特別係利用埋龍蝦嘅殼, 打碎再加入埋湯入面一齊熬煮, 每一啖湯都係龍蝦嘅精華, 超濃味而又唔會過鹹, 一定一定要試下❗斑馬臣芝士意粉伴香草醬意粉口感好好係我鍾意嘅硬度, 蒜香, 香草 加上細碎既巴馬臣芝士
廚師精選小食
有兩款Cold cuts, 蘑菇沙沙同埋鯷魚餅, 好精緻! 小小既蘑菇上面放有蕃茄, 青瓜, 蒜片再加入黑醋, 味道十分豐富多層次。鯷魚餅夾著沙律醬, 鯷魚咸咸香香, 配合餅乾同沙律醬味道好特別又好夾。
紅菜頭乳酪沙律
首先紅菜頭沙律喺外面比較少有, 我就好中意食既所以一見有就揀左佢, 但係男朋友就怕紅菜頭陣草青味, 但一入口佢竟然話無個陣味, 仲食到lamlam脷我諗係因為加入咗希臘乳酪同埋乾果, 甜甜的仲好健康添!
法式龍蝦湯
呢個龍蝦湯不得了❗可以話係我飲過最濃郁嘅龍蝦湯❤呢個龍蝦湯真材實料, 大廚話除左用龍蝦熬製出嚟, 最特別係利用埋龍蝦嘅殼, 打碎再加入埋湯入面一齊熬煮, 每一啖湯都係龍蝦嘅精華, 超濃味而又唔會過鹹, 一定一定要試下❗
斑馬臣芝士意粉伴香草醬
意粉口感好好係我鍾意嘅硬度, 蒜香, 香草 加上細碎既巴馬臣芝士, 香氣濃郁!
烤焗鱈魚配鮮茄醬
魚肉好滑好滑, 而且魚油香好重, 原來餐廳用嘅係黑鱈魚, 比起銀鱈魚更高等級, 好鍾意呢個因為魚油嘅味道實在係太豐富。而鮮茄醬之上仲有鮮蓉蓉, 食落味道天然, 食得出係用新鮮蕃茄自己煮出黎。
廚師精選甜品
甜品係餐廳自家製嘅馬蹄糕, 喺西餐嘅私房菜甜品竟然係馬蹄糕, 配合番新年, 好有心思 ! 佢嘅馬蹄糕一啲都唔馬虎, 餐廳冇額外添加砂糖, 而係用咗片糖羅漢果等等天然帶有甜味嘅食材去做。 岩岩煎好, 外表帶微脆 口感軟得嚟又有啲彈牙, 又食到粒粒爽脆又清甜嘅馬蹄。呢個馬蹄糕佢哋係有準備製作 喺新年嘅時候賣畀客人, 我自己都好有興趣 冇記錯係138蚊一底, 同出面酒家或者連鎖店買價錢差唔多但係我就鍾意佢天然健康d, 下個星期會返去買畀屋企人試下
呢間私房菜好出色, 原本以為佢只係一間普通嘅西餐廳但係佢嘅嘢食真係好食, 特別又精緻, 感覺到佢哋由設計菜式至到做食物都非常之用心, 係絕對值得支持嘅餐廳!
張貼
