怡翠軒 (已結業)

八點半鐘係中環接老婆收工，肚仔餓啦等唔到返屋企附近先食。襯信用咭到期前試多次美心中菜——「怡翠軒」始終位於中環中心地段，寸金呎土，座位難免要擠迫一點，但配合餐廳裝修亦算舒適。［脆皮牛坑腩 $128］外層炸粉比較深色，或偏過火。一份八至十件，伴酸汁和辣辣油。整件坑腩肥瘦均衡，瘦肉入口應不太靱，肥肉當然更香口。咀嚼時，肉汁豐富，絕對唔會乾晒水［金蒜糯米蒸虎蝦 $148］蒸籠上虎蝦糯米飯，在餐廳射燈下，非常亮麗。兩隻虎蝦分開四邊，表面布滿金蒜，以蔥花簡單點綴。虎蝦屬中等偏大，橙色紋理清晰。蝦身入口爽口，由於只得半隻彈牙感則不明顯，但食得出新鮮。蒜蓉雖多但未有蓋過海鮮鮮味。糯米飯吸收了蒜香和海鮮香味，有咬口亦未過硬。［杞子翡翠浸海班 $348］海班片肉，而魚骨完整，但用大碟上，加上魚肉已起，稍缺乏立體感。從菜式名字看未有提示翠綠蔬菜為何物，口感似翠玉瓜，老婆認為是勝瓜。魚肉入口新鮮，小部份位置帶魚腥，其餘不錯，紋理分明有彈性。翠玉瓜嫩口，魚湯鮮甜，給我喝掉大半碗。［茉莉花糖脆布甸 $48］賣相非常吸引，兩款布甸配上生果伴碟。反而反口布甸不夠滑，焦糖亦不夠均勻和偏厚，影響口感。［蛋白杏仁茶 $2