Y Show Tasty (已結業)

上星期有個好朋友提議去咗呢一間餐廳食嘢🤩見OpenRice有好多人介紹呢一度好有驚喜，一於要去慰勞自己！本身自己都係一個西餐嘅愛好者，同男朋友拍拖聚會都一定會好想食西餐！今次就比我搵到一間真係好高質同埋水準好高嘅餐廳啦！ 食西餐我自己都好鍾意食卡邦尼意粉！呢一度嘅意粉醬汁好好，意粉亦都煮得軟硬適中！一啲都唔會太林或者太硬！而且上面嘅留心蛋真係好滋味😎❤️📍香烤原隻春雞店員都有推介過呢一度嘅春雞俾我哋試吓，所以我都叫咗！果然真係好大隻嘅春雞，望住佢啖啖肉嘅感覺真係好爽！同埋呢一度嘅春雞亦都非常之多汁！雞肉亦都好滑！水準好高！📍咖啡味黑啤呢一杯咖啡好吸引，見到有咖啡味道，想試吓，果然兩者配合得天衣無縫！咖啡唔會搶到啤酒嘅味道，仲令到呢個啤酒更加香埋添！📍Staying Alive呢一杯就非常之清新嘅口味，好香檸檬同埋西柚同埋柑橘嘅香味！淡淡的啤酒！非常容易入口，好適合女士飲用！