影片
更多
2016-11-20
8798 瀏覽
生日主角想食pancake，一班沙田友懶得去太遠，見到沙田又有pancake食就一於食Rosie啦，星期日無得訂檯，唯有食早d。6:30左右去到，餐廳都未full，侍應問左前面3個女仔幾多位，其實一眼已經望到仲有檯，以為侍應會帶位，點知佢行左入去，無理過果3個女仔，跟住先再有人問多次，然後先帶佢地入坐，仲要同時間比後來既一家人打左隊長尖，我覺得侍應可以叫客人line up先，唔係鬥快搶答甘講幾多位！都預左星期日食飯有限時（呢到限時1.5小時），唔等排隊入緊停車場果2位朋友，叫個前菜焗雜菇同豆腐沙律食住先，跟碟麵包係牛角包，比一般法包特別，雜菇味道淡左d，同埋之後d菇出水都幾緊要，有兜野變得水汪汪；豆腐沙律就無乜特別，同埋舊豆腐大大舊，我仲以為會切細粒，方便進食，有落差。終於人齊就叫埋主菜，叫左2個意粉、1個飯、1個pizza，其實最似樣係個明太子意粉，因為最有味道，另一個蕃茄湯意⋯⋯湯同意粉都無味，最後忍唔住將d意粉撈埋食剩d明太子汁食埋佢。至於個飯，還可以啦，淡淡蕃茄味，海鮮就食到係雪藏野（即係有少少雪味）。Pizza都可以，但Parma ham唔夠油香味。最後當然要點主角想食既pa
都預左星期日食飯有限時（呢到限時1.5小時），唔等排隊入緊停車場果2位朋友，叫個前菜焗雜菇同豆腐沙律食住先，跟碟麵包係牛角包，比一般法包特別，雜菇味道淡左d，同埋之後d菇出水都幾緊要，有兜野變得水汪汪；豆腐沙律就無乜特別，同埋舊豆腐大大舊，我仲以為會切細粒，方便進食，有落差。
終於人齊就叫埋主菜，叫左2個意粉、1個飯、1個pizza，其實最似樣係個明太子意粉，因為最有味道，另一個蕃茄湯意⋯⋯湯同意粉都無味，最後忍唔住將d意粉撈埋食剩d明太子汁食埋佢。至於個飯，還可以啦，淡淡蕃茄味，海鮮就食到係雪藏野（即係有少少雪味）。Pizza都可以，但Parma ham唔夠油香味。
最後當然要點主角想食既pancake⋯⋯但竟然7點幾已經無晒signature pancake，唯有食hot cake，叫左一個香蕉朱古力、一個荷蘭式（cream cheese+楓糖漿+檸檬），味道好似食緊西多甘樣，但香蕉朱古力略勝一籌，因為荷蘭式又係唔夠味。
Rosie其實都唔平，4個人食，平均每人二百幾蚊，但食物味道偏淡，而且服務亦唔欠水準，明明入坐講明4個人，水、餐具，甚至坐齊人叫佢拎既碟，永遠都係得3套，請問佢地見唔到我地邊一個人？
張貼
