平日午飯時間黎到土瓜灣搵食，經過門口見餐廳話自己係米之蓮，就同朋友諗都唔諗入去，入面無乜客。
睇餐牌時，已經見到有大烏蠅周圍飛，
朋友叫左 $65
1. 招牌咖哩牛腩：咖哩一般貨色，全部都係牛肥膏，無肉食
2. 熱菜蜜： 唔明點解咁普通既野都會酸！
我叫左：$47
1. 豬潤雲吞蝦子麵： 得3片小豬潤，味道一般，雲吞同蝦籽麵都無特別，隻碟小小污糟
最後去門口收銀俾錢，我同朋友都得一百蚊紙，好禮貌話想分開俾，佢話唔得，我以為自己聽錯，問多次，佢指收銀櫃貼出黎既牌，大約寫住「本餐廳不接受分單付款」。
洗唔洗咁串呀？
