影片
更多
2005-05-18
1 瀏覽
一向對旺角食店無甚信心，日式料理更甚，不過今晚忽然想食日本野，又見樓下sell 客既小妹妹生手得黎幾可愛，就比佢引左入去。所以幾時都話，假以時日開鋪做生意請人都要請番ｄ咁上下既，生客都會多一點。上到二樓燈光暗暗的，都算有情調，但坐低後又係另一回事。無情調而坐位迫夾就無所謂，但當有情調時就不免令人有所要求了，全程同女友傾計都只能陰聲細氣，否則恐怕會變成集體談情既局面。先來既竟然係海膽汁炒飯($58)，海膽份量稀少，所以整份菜輪為普通既楊州炒飯，不過慶幸師傅炒得不差，挽回分數。自從大盛既特長壽司受歡迎後，所有港式料理都少不了呢味野，特長鰻魚壽司跟柚子特長三文魚皆比過去食過既好，但此等變種壽司難登大雅之堂亦係事實。無期望既海膽汁雞軟骨一客數十粒，份量不少，味道又出奇地好，不知事否心理作用，跟平常食開既好似真係有點不同。火炎加洲卷內裏夾有芝士，但芝士味又沒想像既濃烈，跟平常既加洲卷差不多，沒甚印像。記憶中還點了一客卷物，但味道跟尋常既大同小異，所以己經忘記了。由於坐得唔舒服，加上此地不宜傾計，所以用餐後不久就走人，總數連加一$17x，食左唔少野，價錢算抵食，若唔介意膊頭撞膊頭排排坐者可一試。最
上到二樓燈光暗暗的，都算有情調，但坐低後又係另一回事。無情調而坐位迫夾就無所謂，但當有情調時就不免令人有所要求了，全程同女友傾計都只能陰聲細氣，否則恐怕會變成集體談情既局面。
先來既竟然係海膽汁炒飯($58)，海膽份量稀少，所以整份菜輪為普通既楊州炒飯，不過慶幸師傅炒得不差，挽回分數。
自從大盛既特長壽司受歡迎後，所有港式料理都少不了呢味野，特長鰻魚壽司跟柚子特長三文魚皆比過去食過既好，但此等變種壽司難登大雅之堂亦係事實。
無期望既海膽汁雞軟骨一客數十粒，份量不少，味道又出奇地好，不知事否心理作用，跟平常食開既好似真係有點不同。
火炎加洲卷內裏夾有芝士，但芝士味又沒想像既濃烈，跟平常既加洲卷差不多，沒甚印像。
記憶中還點了一客卷物，但味道跟尋常既大同小異，所以己經忘記了。
由於坐得唔舒服，加上此地不宜傾計，所以用餐後不久就走人，總數連加一$17x，食左唔少野，價錢算抵食，若唔介意膊頭撞膊頭排排坐者可一試。
最後亦有少少建議，餐牌上有不少飽肚類制品，但相反可以吸引人既小食類就少了一點，增加多點小食類將會令食客叫餐時多點彈性。
張貼