大滿屋日本料理 (已結業)

9月有屋企人生日，於是找地方食生日飯，有人介紹去官塘這間大滿屋！Book左7點半入坐，去到現場再等左10分鐘到就可以入場就坐，現場坐無虛席十分旺場！心想應該有信心的保證，食物款式有很多選擇，刺身丶壽司丶燒物丶卷物等等⋯以畫單型式落單，食物送到速度正常，先到刺身盤,刺身排列得買相吸引，刺身十分新鮮，三文魚肥美可口，甜蝦入口鮮甜，劍魚腩入口後，魚油味薀養口腔，一試難忘！燒物都係另一推介，燒羊架大塊得來味道不錯，除了燒物，其餘壽司、拉麵等等都有一定水準！飲品選擇十分多，鍾意健康的你可以選擇茶類飲品，汽水飲料繁多，新款鴻福堂飮品都有，楊枝金露及密瓜西米露都十分受歡迎，整體來說，這間大滿屋放題可以推介！食品及員工服務都不錯！大家不妨試試丫！