初凝 · 芝茶 (已結業)

今日去旺中掃街，同男朋友食完炸雞，個口好渴又無曬水飲，見到隔離有間初凝芝茶，都幾多人買，所以就買黎試下。店面同大部份旺中小食店一樣唔大。見到佢應該係主打芝士奶蓋啦，所以叫左個芒果飛霜，即係沙冰，同埋一個我平時最愛試嘅水果茶。水果茶叫左微糖，沙冰就最盡少甜。水果茶：茶味清新，入面足料幾多水果，甜度啱啱好，好解渴，啱曬掃街芒果沙冰：奶蓋俾得幾厚，係偏甜嘅奶蓋，夠濃厚creamy，芒果沙冰質感正，唔會好多冰碎，有啲飲芒果布甸嘅味，係一個可以拎住飲嘅甜品，好甜嘅男朋友表示可以！之後見到呢間店係寫用德國鮮奶，學生仲可以減5蚊，真係可以試下！