影片
更多
2012-05-12
29 瀏覽
而家先寫好似有D遲,不過寫開就寫埋呢篇用既係報紙優惠,話說之前找極都找唔到水車屋特價,但係最近幾個月就好似月月都見佢搞促銷,唔通....(雖然聽講係30周年WO)2年前曾經同長輩食過,感覺相當良好,久久為之回味不己,最鐘意既係佢個人蔘雞湯.今次再去,首先係照例既排隊等開門,入到去仍然係坐地下,上菜紙得一張,不過種類上都足夠,只係唔明點解要用紫色底?深紫色底配黑色字會易睇D咩?係既話就唔見入單姐姐一日拎住張單紙好似照雞蛋咁望張單紙!不過呢個係老闆既個人喜好,唔關我地D食客既事。話說個日有個新人,最少佢地係咁講既,不過唔知係入左一日定係一個月既新人,上左單,第一輪好快到亦都好齊,水車屋既要求係一輪最多20項,太耐無黎,我呢種唔睇攻略既保守派於是適合既每樣點幾舊,三文魚仍然不錯,大大舊,其他刺身都OK,壽司我地無點叫,係叫左個蟹子手卷,不過其實D蟹子得上面有,下面全部都係飯然後悲劇由第二輪開始,等左好耐,人地點既都到齊,我地唯有追下單,追左幾次就同我地講話有個新人,可能寫錯單無計,又等左一輪,順便上埋第三張單,結果下場就係第二張第三張單一齊上.....食得好鬼辛苦,好似比人趕住食咁,大家都知
用既係報紙優惠,話說之前找極都找唔到水車屋特價,但係最近幾個月就好似月月都見佢搞促銷,唔通....(雖然聽講係30周年WO)
2年前曾經同長輩食過,感覺相當良好,久久為之回味不己,最鐘意既係佢個人蔘雞湯.
今次再去,首先係照例既排隊等開門,入到去仍然係坐地下,上菜紙得一張,不過種類上都足夠,只係唔明點解要用紫色底?深紫色底配黑色字會易睇D咩?係既話就唔見入單姐姐一日拎住張單紙好似照雞蛋咁望張單紙!
不過呢個係老闆既個人喜好,唔關我地D食客既事。
話說個日有個新人,最少佢地係咁講既,不過唔知係入左一日定係一個月既新人,上左單,第一輪好快到亦都好齊,水車屋既要求係一輪最多20項,太耐無黎,我呢種唔睇攻略既保守派於是適合既每樣點幾舊,三文魚仍然不錯,大大舊,其他刺身都OK,壽司我地無點叫,係叫左個蟹子手卷,不過其實D蟹子得上面有,下面全部都係飯
然後悲劇由第二輪開始,等左好耐,人地點既都到齊,我地唯有追下單,追左幾次就同我地講話有個新人,可能寫錯單
無計,又等左一輪,順便上埋第三張單,結果下場就係第二張第三張單一齊上.....食得好鬼辛苦,好似比人趕住食咁,大家都知,食自助餐咁急既下場只有一個....
中途小插曲係一人一杯汽水既時候,不幸又再次降臨,係我快速解決左自己杯可樂之後,將魔爪伸向吾母既雪碧後,我!!
"咁淡既?"整多啖都係怪怪地,唯有叫侍應黎同佢講杯野好似水咁淡,佢竟然好咁反問返我:"呢杯雪碧黎嫁啵"
雪碧係淡既咩?????????????????????????????? 定係你以為我唔知雪碧係咩味?!?!
講左一輪之後,佢地半信半疑拎左杯野去吧台....我唔知佢地係拎去搞化驗定係飲我口水尾,總之我得到一個回覆:"我地今日有個新人...."( 好耐好耐以前,有個新人叫白雪公主....)
哦,新人....新人可以將一杯雪碧變做梳打水?你以為我未玩過汽水機???話時話新人呢個詞係唔係同內地既臨時工一樣,係萬能白籍口?定係個新人得罪人多?
等多一陣終於有杯雪碧到手,聽D侍應自己講,應該係杯汽水機有問題。
最後雖然好飽,不過仍然堅持所有甜品同我上一輪
個燒波蘿唔錯,雪米茲...我都估到佢會比某公司個D袋裝迷你雪米茲...唔知點解好多日式料理好鐘意用個舊黎做飯後甜品
我最鐘意食個蒸蛋,同D昆布非常配搭,唔係我真係飽到欲仙欲死,我真係想叫多件。
最後,講下個期待既人蔘雞湯,比較遺憾,並無上次咁好食,當然有可能係我回憶既時候美化左,不過可以肯定份量上有可以做成量變以致質變既分別
雖然成篇好似鬧緊水車屋,不過我之後都去食左一次,並無漏單既情況發生(雖然杯雪碧仍然係有D問題(淡,而且怪怪地)--不過可樂好正常),我相信個D應該係極個別既事件(佢地個日有新人...嘛),整體質素上仍然係不錯,有機會我會再去食!刺身水平都唔錯,熟食水平有D唔平均,個鴨胸第一單既時候唔錯
另外推介中午去食,感覺水準比較好
張貼