大澳德發 (已結業)

趁著疫情緩和，也是時候再約朋友出來輕鬆一下，近日就相約銅鑼灣「大澳德發」晚膳，此店位於謝斐道近地鐵站很方便，主打風味水上人食物，餐廳有兩層，上到樓上已有幾枱食客，環境沒有什麼裝修，以水上人的竹帽做裝飾，簡單為主。我們叫了套餐，五個餸$468幾化算。「椒鹽鮮魷」脆卜卜，外脆而鮮魷有咬口。「酒香蒸馬友」魚肉嫩滑帶清清酒香，頗有風味。「鳳梨拔絲咕嚕肉」又係脆口嘢，味酸甜幾開胃。「啫啫芥蘭煲」我本身對芥蘭的菜青有抗拒，不過呢個煲煮得幾香，有蒜、辣椒、肉碎一齊炒，令芥蘭入味冇菜青味，肉碎送飯一流。「大澳咸香雞」份量應該是半隻左右，咸香肉滑，冇點醬油一樣夠味道。四人餐份量剛好，唔會浪漫食物，埋單先知唔駛加一，夠經濟夠實惠。