顏府御膳 (已結業)

比起西餐，老夫老妻嘅我哋拍拖約會更偏好食中餐🌟尖椒皮蛋辣汁配軟綿皮蛋同尖椒一齊食，辣得胃口大開🌟積木茄子除去紫色嘅茄子外皮，只留茄肉，每件切到猶如積木相約大細，外皮炸得香脆，入面係軟腍，有對比層次🌟海皇酸辣湯滿滿都係料，有荀、木耳絲、蝦肉、、豆腐等，偏酸微辣🌟蟹肉蛋白冬茸羹食到一梳梳蟹肉，有蟹鮮味，好飲🌟天府酸菜桂花魚採用彈牙鮮嫩嘅桂花魚，第一口感受到酸菜嘅酸昧，之後係辣勁，壓軸嘅係麻味，層次豐富，如果食得辣嘅記得最尾先食吸收晒香濃魚湯精華既土豆粉，不過要有心理準備會食到辣出汗😆如果好似我食開BB辣嘅，記得一開始就夾咗係碗先啦🌟八珍老薑一口黑豚肉老薑醋味酸酸甜甜，黑豚肉好爽口唔膩，拌碟仲有青瓜同蕎頭，成個餸配搭好得宜總結🌸食物高質素，餐前小食琥珀合桃頗得我心，職員服務媲美5星酒店，但氣氛較酒店輕鬆舒服無甘拘謹