彌敦左岸

營業中

休息中

之前一直已經想去，但一直未有機會去，生日當天被邀請去左哩間彌敦左岸，在樓下睇以為系一間普通bar,上到樓上原來內有乾坤，樓上好大，而且燈光氣氛好好，有桌球玩，有現場樂隊唱歌，仲有遊戲玩。最中意就係檯上面的小燈，令到氣氛更加神秘浪漫。燈仲好有人性化設計，輕觸可以調教光暗，睇餐牌時可以教光D。值得一讚。現場樂隊其實令這個現場充滿生氣，但不適宜聊天，因為太吵，傾唔到計。不過最唔好既就係樂隊前對有幅墻阻住左，好多觀眾都睇唔到，只能聽到。講翻食物先，叫左一個店員推介的帶子XXX粉（忘記左全名）覺得最好吃系哩個，不過份量較小，之後仲有西冷牛排7成熟，覺得哩個認真麻麻，無咩味，比較韌，最後仲有一個芒果拿破崙，同雜菜湯還算OK，飲品就叫左杯beer同一杯店長推薦既無酒精飲品，但忘記名字，系幾有特色既，味道怪怪，不過系我自己飲唔慣。埋單我記得好似六百幾，正常價錢咯。總體來講，80分啦！