影片
更多
2011-07-02
13 瀏覽
之前黎食過一次,地方唔錯,但野食其實就麻麻...今次朋友話黎食,又話citibank 卡o既餐底食...我地6個人,叫左一個citibank o既4人餐,再加多兩碟野食,夠晒飽...超夠....本來坐近個band 台,真係好嘈,如果係食dinner黎講,我真係唔鍾意係d咁嘈o既環境食飯,跟本同朋友傾唔到計,好彩轉到張遠離band o既台先好d,同埋好多人生日咁,d姐姐係度周圍去生日台度唱生日歌,我地8點幾坐到10點幾都聽到6 7次生日歌喇....可以從相中睇返個餐有咩食...頭盤:黎到人人都話要食農夫包,個餐都有,不過今次個牛仔肝醬就唔好食喇,好咸好"酥"咁,同之前食o既好似唔同,同埋個包今次都硬左d咁,我覺得麻麻地,其實包都唔係特別好食...今次個包失望...沙律配羊奶芝士伴炸雞,佢好似比左炸蝦我地,我剩係食左炸蝦o既,都唔錯,因為我唔食羊關係,d菜我唔敢食...我怕"酥"呀....蟹肉pancake配露荀三文魚,lei個都ok,係漏左少少,個皮好軟熟,個涵都唔係好覺有d乜...湯:磨菇忌廉湯配炸蝦,雖然我好食菇但我都飲磨菇湯,佢好重料,好多磨菇,感覺有d似食麥皮,同埋唔講都唔知係炸
我地6個人,叫左一個citibank o既4人餐,再加多兩碟野食,夠晒飽...超夠....
本來坐近個band 台,真係好嘈,如果係食dinner黎講,我真係唔鍾意係d咁嘈o既環境食飯,跟本同朋友傾唔到計,好彩轉到張遠離band o既台先好d,同埋好多人生日咁,d姐姐係度周圍去生日台度唱生日歌,我地8點幾坐到10點幾都聽到6 7次生日歌喇....
可以從相中睇返個餐有咩食...
頭盤:黎到人人都話要食農夫包,個餐都有,不過今次個牛仔肝醬就唔好食喇,好咸好"酥"咁,同之前食o既好似唔同,同埋個包今次都硬左d咁,我覺得麻麻地,其實包都唔係特別好食...今次個包失望...
沙律配羊奶芝士伴炸雞,佢好似比左炸蝦我地,我剩係食左炸蝦o既,都唔錯,因為我唔食羊關係,d菜我唔敢食...我怕"酥"呀....
蟹肉pancake配露荀三文魚,lei個都ok,係漏左少少,個皮好軟熟,個涵都唔係好覺有d乜...
湯:
磨菇忌廉湯配炸蝦,雖然我好食菇但我都飲磨菇湯,佢好重料,好多磨菇,感覺有d似食麥皮,同埋唔講都唔知係炸蝦黎,以為係有d炸粉...一般喇...
主菜:
燒豬肘配酸椰菜, 都好大隻,炸o既,個皮好香脆,肉都算滑,有d位偏咸,薯仔幾好食但好咸,黎到德國餐廳應該要食豬手o既...d酸椰菜都幾特別...
牛扒配乾蔥紅酒汁, 失色喇...牛扒唔係話好juicy好淋,仲有少少韌,個汁就冇乜味,麻麻地...
煎魚柳配檸檬牛油汁,有飯跟底,但我地食唔落d飯,個魚冇乜味,亦都唔係好feel到佢d檸檬牛油...
天使麵配燒蒜巴馬芝士,又係一樣冇黎味道o既野,香草係有...色水咁解,有d蒜味但就唔覺有芝士係度...
(散叫另加) 串燒雞,係citibank優惠半價咁,3x蚊 一串雞,味道都ok, 仲有叫左香腸拼盤,黎到都係應該要叫黎食,不過其實就麻麻地,冇特別一條覺得特別好食....牛肉腸最唔欣賞,仲有d薯仔伴菜冇味的...
甜品:
朱古力慕絲,都ok,但唔夠smooth...
cream brulee配榛子,唔錯呀,食燉蛋加粒榛子個配撘幾好,唔算太甜...
香橙牛油麵包布丁, 有香橙味,唔算太漏,最底有兩片橙tim...即焗夠熱,唔錯...
野食真係一般啦,好普通o既西餐,唔出色...只係德國餐廳有德國咸豬手同腸拼盤要食下,個餐其實都夠我地6個女仔食...
係好有氣氛o既....不過係剩黎飲野睇波,嘈就ok...如果想食飯傾計,就唔o岩地方喇~
張貼
