彌敦左岸

營業中

休息中

呢間餐廳其實嚟過好多次，食飯或者飲嘢都試過，咁啱見到佢做緊一個新嘅promotion，好抵嘅價錢已經可以食到黑松露焗龍蝦，咁就梗係約埋朋友嚟試吓啦。食過咁多次，佢嘅嘢食質素已經好有保證啦，而且呢度氣氛好好，好適合拍拖或者慶祝節日。咁今日特登嚟到就梗係叫呢個龍蝦啦，不過叫Cocktail都係唔少得嘅。呢度嘅Cocktail又多款，而且外表仲好靚，啱晒女仔打卡啦。呢個黑松露龍蝦果然冇叫錯啊，佢勁大隻，絕對唔會因為做緊優惠價就比細隻嘅貨客人，而且龍蝦食落非常新鮮，肉質彈牙，襯埋少少黑松露味，令佢味道更加昇華，真係非常好食呀。另外我仲叫咗個乳豬，呢個乳豬係之前食過覺得好好食嘅，每一次嚟都會encore，今次都冇令我失望，佢嘅皮整到非常脆，而且亦唔會太肥，皮同肉同埋肥肉嘅比例啱啱好，黎到真係一定要試吓呀。呢間餐廳位置又方便，氣氛又好，價錢仲好抵食添。快啲趁而家仲做緊龍蝦嘅promotion就黎試吓啦。