Anthony's Ranch (已結業)

國慶周，早入來揀些海鮮，塞了半朝早車後終於入到來，辦完貨放下行理後再人群堆中鑽過將央廣場來到附近吃扒，假日的西貢感覺不比旺角鬧市好。閃入牛仔屋，好勉強先至搵到個位置吃個late lunch，還好，是間好casual的美國西部餐廳，屈在吧檯吃扒也不覺異相，起碼身邊鬼佬同偶一樣，都係一大杯生啤又一大口扒咁吃，當然偶就無佢把口咁大。看看餐牌，全部是12oz的king size鬼佬扒，諗了又諗，唔想吃starter份量焗美國豬背脊，於是就大路點要了半份烤（燒）豬肋骨配薯菜，大熱天時來杯Stella消暑。紅色餐巾包著靚靚扒刀，唔知是vintage或是西部風格了，但加埋身邊隻貓王公仔同頭上隻大鹿，都幾形格（唔知點解又諗起雪山同八王子呢類餐廳）。等了十分鐘豬肋排有得吃，肉很薄用叉都插唔實，橫豎濕紙巾無限供應，索性用手吃，燒得不夠焦香，肉亦如樓下食友所言燒得乾身，應該是焗好備定等客落單再燒，幸好下了幾惹味的BBQ汁燒醃，夠入味，配起冰啤（杯真的雪到變冰杯）確是唔錯。氣氛唔錯，坐下坐下已近五時，最後連薯條都清埋，是時候起行了，有機會再來的話會試埋用牛油做的pudding。