風車

營業中

休息中

尋尋覓覓，今晚去到大圍既呢間「風車」裡面唔多人，有兩個大電視比人睇波。燈光有d昏暗，加上背景既音樂，氣氛唔錯。-主菜既選擇唔算好多，我地睇左一陣決定叫個二人餐，唔洗煩我地加左錢轉龍蝦湯，再一人要左一份鵝肝-佢一黎就送左個小食，我都唔肯定上面果d係咩，應該係蕃茄，脆既餅配酸酸地既蕃茄，幾開胃-蜜桃茶 + 爆谷味咖啡蜜桃茶唔算太甜。爆谷味咖啡有少少驚喜，爆谷味真係好重，咖啡味唔會好苦，好香好夾-鵝肝鵝肝真係冇得輸！佢好厚身，又大份。煎得好香，肝味出哂黎，再配埋旁邊既蒜蓉包食，滋味十足啊，半價推介！-波士頓龍蝦意大利粉🦐佢隻龍蝦比我預期大隻，好厚肉。上面有咸度十足既芝士，意粉炒得好乾身，冇汁，味偏淡，但配埋龍蝦食，尚算唔錯-紐西蘭肉眼扒配焦糖菠蘿我地叫5成，不過唔知係上枱太耐先食定點，明顯地唔係5成😭 好彩都唔係老，肉質都係軟林既，仲帶有香甜既菠蘿味。薯條炸得香口-raspberry mousse cake + 雲呢拿雪糕泡芙男朋友話raspberry太甜，但我覺得佢酸酸甜甜好岩我口味，可能男女大不同-算係唔錯既一晚，靜靜地係氣氛唔錯既餐廳食飽。