十二味 (西菁街) (已結業)

作為十二味嘅長期粉絲，當一知道十二味卒之開到入嚟元朗就即刻去試下，元朗分店位於西菁街幼稚園對面，十分易搵。川式口水雞，口水雞幾乎係每次必嗌，全因佢醬香味濃， 雞肉嫩滑，作為冷盤溫度恰到好處，加上香蔥、大蒜、辣椒及芝麻嘅加持，係滿滿嘅四川風味。經典香辣鍋，材料揀咗美國肥牛、台灣魚腐、午餐肉、萵荀同寬粉，辣度揀咗中辣，辣得相當開胃，美國肥牛油脂豐富，特別鍾意佢啲魚腐同埋午餐肉經過走油處理，食落既香且脆，寬粉同香鍋從來都係最好嘅朋友。