大喜屋 (已結業)

平時大喜屋晚市放題就食得多，質素都十分有保證，反而lunch就未食過。今朝係銅鑼灣見完客，行過見到大喜屋就心郁郁想試下佢午市食物既質素。剛好午市時間，附近上班族都開始人頭湧湧咁去覓食。好彩我寡佬一個 座位都好易安排，所以好快就入到去。拎張Menu睇一睇 發現佢既午市定食十份抵食。價錢平均70蚊，定食配飯、湯、沙津，未食已經贏左。我就點左足半磅三文魚腩丼定食，一睇張圖已經吸引左我。湯同沙津率先送上，味道上可以接受，湯有小小偏咸。但丼飯就十分吸引！整整一大碗，上面鋪滿12塊三文魚，但以我估計並非全部都係三文魚腩，但都已經十分足磅。三文魚腩厚切 新鮮且有飽滿既魚油香。配上三文魚籽、紫菜碎飯，層次更多，以午餐黎講係十分滿足。以lunch定食set去評價的話 絕對物有所值，想不到午市定食同晚市放題一樣都好有質素。