影片
更多
2003-10-25
8 瀏覽
尋日同男朋友終於都食左啦, 6點鐘去到, 一d都唔駛排隊. 其實都唔係太餓. 但係我怕一走左, 之後要等餐死, 都係早d食好d. 呢度比奧海城大間d, 而且裝修都比0個邊靚好多. 我地2個人坐左卡位, 好寬敞, 好舒服. 總比坐普通位好. 呢度有幾款茶揀, 本來想試下碧漯春, 但係我男朋友在我去左toilet之時叫左個普洱. 唔.... 唔係好特別好飲囉. 激死!!前菜($12), 都唔平丫, 係一d泰式鳳爪加左d青瓜. 都幾好味. 不過我見呢d前菜係一早放0係檯度, 好似唔多衛生. 冇人坐張檯, 咁咪會擺成晚. 唔係幾好喎. 希望佢地會improve一下.叫左雲白肉, d肉都幾薄, 個汁都ok, 幾辣下. 但係唔點野就乜味都冇啦. 小籠包, 一籠有5個, size都唔細. 其實都幾好味, 但係可能先入為主, 我個人認為翡翠拉麵好食d. 起碼個皮係好薄. 金滿庭個皮厚左d, 但係個餡都唔錯, 都好多湯汁. 佢個張墊檯紙教人點食個小籠包. 不過唔係好成功~海鮮酸辣湯, menu話係改良, 但真係唔知有咩唔同, 係多左d海鮮囉. 都幾好味, 咸左dd. 辣子土雞煲. menu寫明2條辣椒,
呢度有幾款茶揀, 本來想試下碧漯春, 但係我男朋友在我去左toilet之時叫左個普洱. 唔.... 唔係好特別好飲囉. 激死!!
前菜($12), 都唔平丫, 係一d泰式鳳爪加左d青瓜. 都幾好味. 不過我見呢d前菜係一早放0係檯度, 好似唔多衛生. 冇人坐張檯, 咁咪會擺成晚. 唔係幾好喎. 希望佢地會improve一下.
叫左雲白肉, d肉都幾薄, 個汁都ok, 幾辣下. 但係唔點野就乜味都冇啦.
小籠包, 一籠有5個, size都唔細. 其實都幾好味, 但係可能先入為主, 我個人認為翡翠拉麵好食d. 起碼個皮係好薄. 金滿庭個皮厚左d, 但係個餡都唔錯, 都好多湯汁. 佢個張墊檯紙教人點食個小籠包. 不過唔係好成功~
海鮮酸辣湯, menu話係改良, 但真係唔知有咩唔同, 係多左d海鮮囉. 都幾好味, 咸左dd.
辣子土雞煲. menu寫明2條辣椒, 我地都叫左少辣, 個煲好多辣椒, 胡椒, 好香. 入口都好夠辣. 好好味. 不過d雞就唔多入味, 差左dd. 叫左個菜飯撈d汁. 個飯都ok, 但係d菜都唔切細粒d, 有幾塊菜葉. 都唔太油.
雖然好飽, 但係都要食番個飯後甜品: 高力豆沙. 呢度真係好啦, 可以散叫, $8一粒, 2粒起. 食2粒總比食一碟8粒容易. ?個size都幾大下, 好好味, 但係d豆沙少左d.
overall都唔錯, 不過可能期望太高啦. 但總未算失望. 埋單~ $230, 都ok啦. 服務都ok, 不過比較生手.
張貼