三木日本料理 (已結業)

一向中意食放題既我，今日決定同朋友決戰三木。位置鄰近k11，好方便，今次冇book位，由於等既人唔算多，好快已經可以入坐。環境睇落都唔錯又夠大。入正題啦，食物款式選擇好多。先講刺身啦，差不多全部點哂，有三文魚、油甘魚、吞拿魚、帆立貝、極大甜蝦、螺片等等，不過除左點單紙推介既極大甜蝦外，其他都比預期中失望。甜蝦真係好大隻，食落鮮甜爽口。其他刺身賣相都一般般，冇乜光澤，三文魚筋位多，油甘魚、吞拿魚稍稍薄切左，唔夠肥美。到串燒啦，雞軟骨、麻辣雞翼、秋刀鱼都唔錯，入味！雞軟骨、麻辣雞翼夠入味，秋刀鱼肉質鮮甜。但佢地推介既鹽燒牛舌實在落得太多鹽了，一個字，鹹！其他燒物都中規中矩啦。到沙律啦，點左2款:牛油果野菜同蟹籽薯仔。牛油果野菜d味道偏淡，過得去。相反，蟹籽薯仔就岩岩好，入味！總括:食品質素比預期中失望了少少，差不多既價位會考慮其他的選擇。其次，服務質素都有待改善，可以禮貌少少囉。